«Қазгидромет» РМК Қазақстан бойынша маусым айына арналған консультативтік ауа райы болжамын жария етті, деп хабарлайды F16.kz тілшісі.
Синоптиктердің болжамына сүйенсек, жаздың алғашқы айында күн райы тұрақсыз әрі құбылмалы болады. ШҚО-да күн ысып, кей күндері жаңбыр жауып, найзағай ойнауы мүмкін.
Бірінші онкүндік
Жоғары температуралық фонның әсерінен бүкіл республика бойынша найзағайлы, өткінші жаңбыр жиі жауады.
— Шығыста түнде +10…+15°C, оңтүстігінде +20°C, күндіз +22…+30°C, кей жерлерде +35°C-қа дейін ысиды.
— Екінші онкүндіктің басында аздаған салқындау байқалады.
Екінші және үшінші онкүндік
Маусымның екінші және үшінші онкүндігінде күннің ыстығы күшейіп, температура +33°C-тан +40°C-қа дейін жетуі ықтимал .
Шығыста ауа температурасы түнде +15…+23°C-тан +2…+10°C-қа дейін, ал күндіз +25…+38°C-тан +15…+27°C-қа дейін ауытқиды.
• Айдың басында және ортасында жаңбыр, найзағай, кей жерлерде бұршақ күтіледі.
• Желдің күшеюі және шаңды дауылдар да болуы мүмкін.
Құтқарушылар күн қатты ысыған күндері далада ұзақ жүрмеуге және жаңбыр жауып, найзағай ойнаған кезде қауіпсіздік шараларын қатаң сақтауға шақырады.
Фото: pixabay.com
