Жыл басынан бері 9 айда еліміздің ақылы жолдарын қолданған жүргізушілер 62 млрд теңге төлеген. Бұл туралы «ҚазАвтоЖол» ұлттық компаниясы мәлімдеді, деп хабарлайды F16.kz.
2025 жылдың басынан бері еліміздің көлік жүргізушілері ақылы жолдар арқылы 62 млн астам рет жүріп өтті. Бұл сапалы жол инфрақұрылымына деген сұраныстың артуын көрсетеді. Ақылы жолдар тек жылдам қозғалысты қамтамасыз етіп қана қоймай, қалалар мен елдер арасындағы сенімді байланысты орнатып, аймақтардың экономикалық дамуына септігін тигізеді, — деп жазылған компания хабарламасында.
Ақылы жолдарға деген мұндай жоғары сұраныс, жол инфрақұрылымының дамуына жаңа серпін береді. Жолдардың сапасын арттыру көлік қарқынының өсуіне ғана емес, заманауи жол желілері бар аймақтардың экономикалық өсуіне де ықпалы етеді.
