«Қазгидромет» РМК қыркүйек айына арналған ауа райы болжамын жариялады. Синоптиктердің болжамына сүйенсек, қыркүйекте күн суытып, қар аралас жаңбыр жаууы мүмкін, деп хабарлайды F16.kz.
Күздің алғашқы айында өңірде -3°С-қа дейін үсік жүруі ықтимал. Алғашқы күндері түнде температура бағамы +2…+12°С аралығында, күндіз +21…+26°С, кейде +16…+21°С шамасында болады.
Екінші онкүндікте де ауа температурасы бірқалыпты болады. Соңына қарай күн жылынуы мүмкін, алайда ұзаққа созылмайды.
Қыркүйектің соңында ауа температурасы қайта төмендейді.
Облыстың шығысында түнде -1…-6°С-қа дейін үсік жүреді. Күндіз ауа температурасы +18…+23°С-қа дейін, облыстың оңтүстігінде +26°С-қа дейін ысуы мүмкін, — дейді синоптиктер.
Сондай-ақ таулы аймақтарда күн салқындап, қар аралас жауын жаууы мүмкін. Кей аймақтарда найзағай ойнап, бұршақ болуы ықтимал.
