Сот ҚР ӘҚБтК-нің 150-бабын бұзып, қаржы (инвестициялық) пирамидасының қызметін жарнамалаған азаматшаны кінәлі деп таныды, деп хабарлайды F16.kz.
Белгілі болғандай, аталмыш азаматша 2024 жылы сәуір айында TikTok және Instagram әлеуметтік желілеріне LiveGood жобасы туралы бейнематериал салып, жаңа қатысушыларды тарту мақсатында кеңседе кеңес беріп, кездесулер өткізген. Содай-ақ WhatsApp мессенджерінде ол компания туралы фото және бейнематериалдарды таратып, онлайн-презентацияларға шақырған чаттарға қатысқан.
Азаматша өз кінәсін мойындаған жоқ және LiveGood компаниясы қаржы пирамидасы ретінде ресми түрде сотпен танылмағанын алға тартты. Алайда, сот шешімімен кінәлі деп танылды. Бұрын құқықбұзушылық жасамағаны ескеріліп, айыппұл мөлшері 30 %-ға төмендетілді. Соттың қаулысымен 412 860 теңге көлемінде айыппұл салынып, бұқаралық ақпарат құралдарының шығарылымы (эфирге шығуы) үш ай мерзімге тоқтатылды, — дейді Өскемен қаласының әкімшілік құқық бұзушылықтар жөніндегі мамандандырылған соты.
Сот қаржы пирамидаларын жарнамалауға заңмен тыйым салынғанын және бұл әкімшілік жауапкершілікке әкелетінін еске салады.
Сот қаулысы заңды күшіне енді.
