Шығыс Қазақстан облысы білім басқармасының басшысы болып Қуат Оқасов тағайындалды, деп хабарлайды F16.kz.
Жаңа басшыны облыс әкімі Нұрымбет Сақтағанов бүгін өтіп жатқан облыс әкімдігінің мәжілісінде таныстырды.
Қуат Барысұлы Оқасов 1969 жылы 12 мамырда Шығыс Қазақстан облысының Ұлан ауданы, Асубұлақ ауылында дүниеге келген. С.Аманжолов атындағы Шығыс Қазақстан мемлекеттік университетінде дүниежүзі тарихы мамандығы бойынша жоғары білім алған.
Еңбек жолын 1989 жылы КрасноАлтайский совхозында тас қалаушы болып бастаған ол құрылыс, білім салаларында еңбек етті. Кейінгі оншақты жылдың мұғдарында мемлекеттік қызметке ауысып, Ұлан ауданының білім, денешынықтыру және спорт бөлімдеріне басшылық етті.
2011 жылдан бүгінге дейін Қуат Оқасов Ұлан ауданы әкімінің орынбасары лауазымында еңбек етті.
