30 тамызда ҚР Конституциясы күніне орай Семей полигонындағы ядролық сынақтардың зардап шеккен Астана қаласының тұрғындары бір реттік ақшалай өтемақы алады, деп хабарлайды F16.kz.
Астана қаласы Жұмыспен қамту және әлеуметтік қорғау басқармасының баспасөз қызметінен хабарлағандай, төлем мөлшері – 2,5 айлық есептік көрсеткіш, яғни 9 830 теңге болады.
– Семей полигонындағы ядролық сынақтардан зардап шеккен шамамен үш мыңға жуық қала тұрғынына бір реттік әлеуметтік көмек көрсету жоспарланып отыр, – деп жазылған ресми хабарламада.
Айта кетейік, 1949-1989 жылдар аралығында Семей ядролық полигонында 456 сынақ жүргізілген. Салдарынан 1,5 миллион адам радиацияға ұшырады. Радиация аумағында тұрған халық арасында обыр, жүрек-қан тамыр, тұқым қуалайтын аурулар жиі кездеседі.
