Семей және Өскемен қаласында салынатын жылу электр орталығы (ЖЭО) құрылысын қаржыландыру туралы шешім алдағы айда қабылданады, деп хабарлайды F16.kz Kazinform агенттігіне сілтеме жасап.
Бұл туралы Энергетика вице-министрі Сұңғат Есімханов мәлім етті.
Көкшетауда жылу электр орталығын салу бойынша шешім қабылданды, ол жобаны «Самұрық-Энерго» жүзеге асыруға кірісті. Ал Семей мен Өскеменге келсек, мемлекетаралық келісім аясында келіссөз жүргізілгенімен, өкінішке қарай, бүгінгі күнге дейін Ресей тарапынан қаржыландыру расталған жоқ. Сондықтан жобаларды өз күшімізбен жүзеге асыру мәселесін белсенді қарастырып жатырмыз, — дейді Сұңғат Есімханов Үкімет отырысынан кейін өткен баспасөз мәслихатында.
Вице-министрдің айтуынша, түпкілікті шешім қыркүйекте қабылданады.
