Күні кеше әлеуметтік желілерде Риддер қаласына аю кіріп кеткені жайлы бейнежазба тарай бастады. Көшелерді кезіп жүрген жабайы жануарға байланысты тұрғындарға ескерту жасалды, деп хабарлайды F16.kz.
Тұрғындарды сабыр сақтауға, жалған немесе расталмаған ақпарат таратпауға және аюды немесе өзге де жабайы жануарларды көрген жағдайда дереу тиісті қызметтерге хабар беруге шақырамыз. Дүрбелеңге салынудың қажеті жоқ. Жағдай жергілікті атқарушы органдар мен құзырлы қызметтердің тұрақты бақылауына алынған, — деді қала әкімдігінің өкілдері.
Қазір Риддер маңындағы орман алқаптары мен елді мекеннің шетін-шетін тексеріп, бақылау үшін ШҚО Табиғи ресурстар және табиғат пайдалануды реттеу басқармасына қарасты Орман және аңшылық шаруашылығының жедел әрекет ету тобы жұмыс істеп жатыр.
