Полиция қызметкерлері құқықтық тәртіпті сақтап қана қоймай, қиын жағдайға тап болған адамдарға әрдайым қолдау көрсетуге дайын тұрады, деп хабарлайды F16.kz тілшісі Polisia.kz сайтына сілтеме жасап.
Сондай бір мысал ретінде жақында Үштөбе қаласында тіркелген оқиғаны айтуға болады. Белгілі болғандай, Шығыс Қазақстан облысы Тарбағатай ауданының тұрғыны осыдан 20 жыл бұрын әпкесін жоғалтып алған. Үміті үзілмеген тұрғын әпкесін тауып қалармын деген ниетпен Үштөбеге келген.
Ол көшеде учаскелік полиция инспекторлары Айбек Қази және Талғат Есқожановпен жолығады. Полицейлер азаматтың өтінішіне бірден үн қатып, іздестіру жұмыстарын бастап кетті. Көп ұзамай жүйелі жұмыстың арқасында тәртіп сақшылары туғандарды қауыштырды.
Ал 20 жылдан кейін бір-бірін қайта тапқан азаматтар полиция қызметкерлеріне көрсеткен көмегі үшін зор алғысын білдірді.
