Qarakesek лақап атымен танымал әнші Омар Амантаев 15 тәулікке қамалды, деп хабарлайды F16.kz.
Ақтөбе облыстық полиция департаментінің мәліметінше, құқық қорғау органдары жедел-алдын алу шарасы кезінде «Kia Rio» көлігін тоқтатқан. Жүргізушімен сөйлесу барысында оның масаң күйде болғаны байқалған. Тексеру барысында одан шағын орамадағы синтетикалық есірткі табылып, сараптамаға жіберілді.
Медициналық куәландыру кезінде оның есірткі пайдаланып көлік басқарғаны анықталды. Сот шешімімен құқық бұзушы 15 тәулікке әкімшілік қамаққа алынып, 7 жыл мерзімге көлік жүргізу құқығынан айырылды. Есірткі құралдарын заңсыз пайдалану дерегі бойынша сотқа дейінгі тергеп-тексеру басталды, қылмыстық іс қозғалды, – делінген хабарламада.
