Облыс орталығында және кей аудандардағы білім ордаларында орын тапшылығы байқалып отыр. Бұл мәселе әсіресе қаладағы жаңа шағын аудандарда өзекті, деп хабарлайды F16.kz.
Өскемен қаласында және қала маңындағы елді мекендерде, атап айтқанда Прапорщиково ауылында, Қасым Қайсенов кентінде және Риддер қаласындағы мектептерде бала саны көп, — деді облыстық құрылыс, сәулет және қала құрылысы басқармасы басшысының орынбасары Ерназ Мұқатаев.
Бұл мәселені шешу үшін 23 шағын ауданда 300 орындық мектеп салу жоспарланып отыр. Бүгінде жобалық құжаттама келісіліп жатқан көрінеді. Сондай-ақ Спорт шағын ауданында 600 орындық және 20-шы шағын ауданда 580 орындық мектептердің жобасы әзірленіп жатыр.
