1 қыркүйектен бастап облыс көлемінде «Учаске» жедел алдын алу шарасы өтіп жатыр. Профилкатикалық шараның алғашқы 9 күнінде 1200-ден астам әкімшілік құқық бұзушылық анықталған, деп хабарлайды F16.kz.
Тәртіп сақшылары 40 мыңнан астам тұрғын үй секторын аралап, 38 жалдамалы пәтерді анықтап, 1 000-нан астам азаматтық қару иесін тексерді.
17 адамның қаруды сақтау және тіркеу ережелерін бұзғаны анықталып, әкімшілік жауапкершілікке тартылды. Бір тіркелмеген қару айналымнан алынды, — дейді ШҚО ПД баспасөз қызметі.
Іс-шараның басты бағыты – профилактикалық есепте тұрғандармен жұмыс жүргізу, тексеру. Оның аясында 3 500 есептегі тұлға тексерілген. Оның арасында бұрын сотталғандар, алкогольді шамадан тыс пайдаланатындар және тұрмыстық жанжалға бейім азаматтар бар.
Сондай-ақ рейд жүргізіліп, нәтижесінде 50 жасөспірім ұсталды Үш бала ойын-сауық орындарында ересектерсіз жүрген, сегізі алкогольді ішімдік ішіп, қоғамдық орындарда масаң күйде болған, – дейді ШҚО ПД ЖПҚБ бастығының уақытша міндетін атқарушы Орал Рыспаев.
Жедел алдын алу шарасы барысында 1 200-ден астам әкімшілік құқық бұзушылық анықталды. Профилкатикалық шара әлі де жалғасады.
