Санитарлық авиация мамандары облыс орталығынан 400 шақырым қашықтағы Зайсан ауданынан Өскеменге жаңа туған сәбиді жеткізді. Нәрестеге шұғыл медициналық көмек қажет болды, деп хабарлайды F16.kz.
Төтенше жағдайлар министрлігінің «Қазавиақұтқару» тікұшағын ұшқыштар Сергей Пинигин мен Бауржан Бутенбаев басқарды, бортта санавиация дәрігерлері Рафаиль Халитов пен Бек Асаубаев болды.
Ұшқыштар мен дәрігерлерден жасақталған команданың үйлесімді әрі жедел әрекетінің нәтижесінде сәби қаладағы тиісті медициналық мекемеге уақытында жеткізілді. Оған қажетті дәрігерлік көмек көрсетілді.
