Биыл қыста Шығыс Қазақстан облысының автомобиль жолдарында арнайы LED экрандар жұмыс істейді. Онда жүргізушілерге қажетті ақпарат беріледі, деп хабарлайды F16.kz.
Облыстық жолаушылар көлігі және автомобиль жолдары басқармасы басшысының орынбасары Нұрбек Тұраров қыс мезгілінде көлік жолдарының жағдайы туралы халықты дер кезінде хабарландырып отыру үшін арнайы іс-шаралар алгоритмі жасалғанын атап өтті.
Тиісті алгоритмге сәйкес өңір тұрғындарын түрлі мессенджерлер, бұқаралық ақпарат құралдары, төтенше жағдайлар қызметінің хабарламалары арқылы ақпараттандыру жүргізіледі. Сонымен қатар Өскеменнен Таулы Үлбіге (Глубокое ауд. – ред) және Самар ауданына шығатын жолдардың бойына екі үлкен LED экран қойылған. Мәселен, қолайсыз ауа райына байланысты жол жабылатын болса бұл туралы дереу экранда ақпарат шығады, – деді Нұрбек Тұраров бүгін өткен облыс әкімдігінің мәжілісінде.
