ШҚО-да тауар бағасын рубльмен көрсеткен балалар дүкеніне айыппұл салынды. Бұл туралы Сауда және интеграция министрлігі мәлімдеді, деп хабарлайды F16.kz.
Дүкен қожайыны мұндай заңды білмегенін және қызметкерлердің жетіспеушілігінен түсініспеушілік туындағанын айтқан.
Сатып алушылардан бағалардың шетел валютасымен рәсімделгені туралы өтініш түсті. Нәтижесінде Сауда және тұтынушылардың құқықтарын қорғау департаменті жоспардан тыс тексеру жүргізіп, ақпаратты растады. ҚР ӘҚБтК 193-бабының 4-бөлігіне сәйкес тауар бағасын теңгеден басқа валютамен көрсету үшін шағын бизнеске – 6 АЕК, орта бизнеске – 10 АЕК, ірі бизнеске – 30 АЕК айыппұл қарастырылған, — делінген министрлік хабарламасында.
Бұл әрекет бір жыл ішінде қайталанған жағдайда 193-баптың 5-бөлігіне сәйкес шағын бизнеске – 65 АЕК, орта бизнеске – 120 АЕК, ірі бизнеске – 200 АЕК айыппұл салынады.
Жүргізілген жоспардан тыс тексеру нәтижесінде құқық бұзушылықтың қайталанғаны анықталып, дүкенге 200 АЕК мөлшерінде айыппұл салынды. Сонымен қатар, құқық бұзушылықты жою туралы нұсқама берілді.
