Өскемендегі Понтон көпірі маңында психотроптық заттар таратты деген күдікке ілінген 28 жастағы әйел мен 26 жастағы ер адам қолға түсті, деп хабарлайды F16.kz.
Жедел іс-шара барысында олардан ұнтақ тәріздес 30 орама тәркіленді. Сараптама қорытындысы бойынша, тәркіленген зат жалпы салмағы 29,91 грамм α–PVP психотроптық заты екені анықталған.
Күдіктілер биыл мамырдан бастап Өскеменге келіп, жасырылған есірткілерді Алтай қаласына жасырын түрде жеткізіп, таратып отырған. Барлық ұйымдасқан әрекеттерді мессенджер арқылы белгісіз куратормен жүзеге асырған, — дейді ШҚО ПД баспасөз қызметі.
Аталған факті бойынша «Есірткі заттарын, психотроптық заттарды, олардың аналогтарын заңсыз сатып алу, сақтау, тасымалдау, өткізу немесе жіберу» бабына сәйкес тергеу жұмыстары басталды. Күдіктілер уақытша ұстау изоляторына қамалды.
