Қазақстан Республикасы Конституциясының жаңа редакциясының күшіне енуіне орай елімізде «Bereke Fest» республикалық акциясы ұйымдастырылады. Акция 2026 жылғы 1-7 шілде аралығында өтеді, деп хабарлайды F16.kz сайты.
Аталған бастама аясында Өскемен қаласының тұрғындары мен қонақтарына арнайы жеңілдіктер, тиімді акциялар мен тартымды ұсыныстар ұсынылмақ. Сауда орындарында сатып алушылар үшін мерекелік көңіл күй қалыптастырып, қолжетімді бағамен тауарлар сатып алуға мүмкіндік жасалады.
Акцияға Өскемен қаласының бірқатар ірі сауда нысандары қатысады. Атап айтқанда:
– «City Center» сауда-саттық орталығы (Виноградов көшесі, 17А);
– «Family Market» сауда-саттық орталығы (Сәтбаев даңғылы, 55А);
– «Алма Store» (ADK River) (Қазақстан көшесі, 62);
– «Алма Store» (Сәтбаев даңғылы, 15Б);
– «Колос» сауда үйі (Әуезов көшесі, 15);
– «Волна» сауда үйі (Қабанбай батыр көшесі, 114);
– «45 гастроном» сауда үйі (Н. Назарбаев даңғылы, 25);
– «Самал» сауда үйі (Бажов көшесі, 331/1);
– «Алтай Маркет» сауда үйі (Жібек жолы көшесі, 44/1);
– «ТНП» сауда орталығы (Сәтбаев даңғылы, 39).
Ұйымдастырушылардың айтуынша, «Bereke Fest» – бұл тек жеңілдіктер науқаны ғана емес, сонымен қатар отандық сауданы қолдауға, халықтың сатып алу белсенділігін арттыруға және мерекелік атмосфера қалыптастыруға бағытталған акция.
2026 жылғы 1-7 шілде аралығында аталған сауда нысандарында арнайы ұсыныстар мен тиімді бағаларды пайдаланып қалуға болады.
