Биылғы 23 қыркүйектен бастап Қарағанды-Семей бағытында әуе рейсі ашылды. Бұл бағыттағы жолаушылар тасымалын SCAT әуе компаниясы жүзеге асырады, деп хабарлайды F16.kz.
Республикалық бюджеттен субсидияланатын жаңа бағыт Көлік министрлігінің Азаматтық авиация комитетінің және Абай облысы әкімдігінің қолдауымен ашылды.
Жолаушылар ұшағы аптасына екі рет – сейсенбі және бейсенбі күндері қатынайды. Билет бағасы – 15 000 теңге.
Жаңа бағыттың ашылуы тұрғындарға қолайлы әрі арзанға сапарлауға мүмкіндік береді. Қазір Абай облысының орталығынан Семей – Алматы, Семей – Астана, Семей – Үржар, Семей – Қарағанды бағыттарында әуе кемелері ұшады.
