Шығыс Қазақстан облысының әкімі Нұрымбет Сақтағанов пен еліміздің ауыл шаруашылығы министрі Айдарбек Сапаров Өскемендегі «Эмиль» компаниясына барды, деп хабарлайды F16.kz.
Лауазымды тұлғалар 1993 жылдан бері жұмыс істеп келе жатқан кәсіпорынның өнімдерімен, өндіріс барысымен танысып, ғимарат ішін аралап көрді.
Айта кетейік, «Эмиль» – өңір бойынша сүт өнімдерін шығаратын жетекші кәсіпорындардың бірі. Оның табиғи, экологиялық таза өнімдері бүгінде еліміздің түкпір-түкпіріне жеткізіліп, тұтынушылардың жоғары бағасына ие болған.
