Бозанбай ауылындағы Бүркіт төбе алаңында «Шығыс Салбурыны — 2025» халықаралық фестиваліне дайындық қызу жүріп жатыр, деп хабарлайды F16.kz.
Естеріңізге сала кетейік, ертең «Шығыс Салбурыны — 2025» халықаралық фестивалі басталады.
Қазір бұл аумақта 37 киіз үйден тұратын этноауыл бой көтерді. Дәретханалар орнатылып, жарық пен су тартылған, негізгі сахна да дайын.
Фестиваль алаңында 100-ден астам техника жұмыс істеп жатыр. Одан бөлек, 250-ден астам адам киіз үйлер тігіп, аумақты безендіруге жұмылдырылған. Қонақтар мен туристердің жайлылығы үшін фотоаймақтар мен қоқыс жәшіктері де орнатылған.
Шараға еліміздің түкпір-түкпірінен және шет мемлекеттерден қатысушылар мен туристер келеді деп жоспарланған.
