Өскеменде “Туған жер — алтын бесігім” жобасы аясында Катонқарағай ауданының мәдени күндері өтеді, деп хабарлайды F16.kz.
17 қазан күні сағат 17.00-де облыстық филармония ғимаратында (Протозанов көшесі, 43) “Берел” мұражайының жәдігерлері мен жергілікті өнімдер көрмесі ұйымдастырылады.
Ал, кешкі сағат 18.00-де Катонқарағай өнерпаздары мен шығармашылық ұжымдары вокалдық, аспаптық және хореографиялық нөмірлерін паш етеді.
18 қазан күні сағат 8.00-ден бастап Алтай көтерме-тарату орталығында әдеттегідей сенбілік жәрмеңке ашылады.
Қала тұрғындары мен қонақтары ет, сүт өнімдері, бал мен көкөністі арзан бағанада ала алады. Дәл осы жерде ұлттық ойындар, қол күресі, арқан тарту, бал, қой көтеру мен қымыз ішуден жарыс өтеді.
