Шығыс Қазақстан облысында бес теміржол вокзалы жөнделіп, екі кедендік өткізу бекеті жаңғыртылып жатыр. Бұл туралы аймақ басшысы Нұрымбет Сақтағанов облыстық мәслихаттың кезекті сессиясында айтты, деп хабарлайды F16.kz.
«Майқапшағай» және «Үбі» өткізу пунктерін жаңғырту қолға алынған. Сонымен қатар Өскемен, Риддер, Шемонаиха, Алтай және Серебрянка қалаларында теміржол вокзалдарын қайта құру жұмыстары жүріп жатыр. Су жолы арқылы жүк тасымалдау мәселесін де қарастырып жатырмыз. Әуе қатынасына ерекше назар аударылған. Катонқарағай және Зайсан аудандарында екі жаңа әуежай салынады. Бұл нысандар туризм, логистика және өңіраралық байланыстар үшін қосымша мүмкіндіктер ашуға тиіс, – деді облыс әкімі.
Бұған қоса биыл облыста республикалық және жергілікті маңызы бар 700 шақырымнан астам жол жөнделеді. Негізгі жобалардың бірі – Өскемен – Алтай – Рахман қайнары трассасы. Бүгінде Қалбатау – Майқапшағай жолы мен Шығыс Қазақстанды еліміздің оңтүстігімен байланыстыратын Талдықорған – Қалбатау – Өскемен жолындағы негізгі жұмыстар аяқталды
