Бұқтырма су қоймасының Сарыбелдегі жағалауында халықаралық стандартқа сай заманауи қонақ үй бой көтереді. Самар ауданының әкімі Серік Жеңісов Pana Asia-мен ынтымақтастық туралы меморандумға қол қойды, деп хабарлайды F16.kz.
Pana Asia — отандық алғашқы басқарушы компания. Алматы, Шымкент қалалары мен Мәскеуде қонақ үйлері бар. Енді бұл қатарға Шығыстағы Сарыбел де қосылады.
Мемлекет басшысының тапсырмасымен ауданда туризмді дамыту жұмыстары жалғасып жатыр. Тек қонақ үй емес, компанияның құрамына «Тары» кофеханалар желісі мен «Сандық» рестораны кіреді, — дейді аудан әкімі.
Бұл ауданда атқарылып жатқан жұмыстардың соңы емес. Қазіргі таңда облыс әкімінің тапсырмасымен Бұқтырма су қоймасының жағалауында заманауи серуен аймағын жобаланып, құжаттамасы әзірленіп жатыр.
