Назарбаев даңғылы, 8/1 мекенжайындағы жаяу жүргіншілер аллеясында абаттандыру жұмыстары жүргізіліп жатыр, деп хабарлайды F16.kz.
Өскемен қаласының әкімі Алмат Ақышов абаттандыру жұмыстарының барысымен танысты.
— Жалпы бұл тұрғындардың көп жүретін жері болғандықтан кеңейтіліп, абаттандыру жұмыстары жасалып жатыр. Және де бұл жерде кезінде берілген жер мемлекеттің меншігіне қайтарылып, ешқандай коммерциялық нысанның салынуына рұқсат берілмейді, – дейді қала әкімі.
Жоба аясында жаяу жүргіншілер аймағын кеңейту, көлік қозғалысын реттеу және автотұрақ орындарын көбейту көзделген.
Абаттандыру барысында экологиялық талаптардың сақталуы басты назар аударылды. Кесілген ағаштардың орнына жаңа көшеттер отырғызылады.
