Өскеменде аумақтық басқару орталықтары «Шығыс Қазақстан облыстық Ауған соғысы ардагерлері мен мүгедектері» қоғамдық бірлестігімен бірлесіп әлеуметтік жағынан осал отбасыларға жеңілдетілген бағадағы көмір жеткізіп жатыр, деп хабарлайды F16.kz.
Айта кетейік, қала әкімдігі «Қаражыра» компаниясымен және көмір тұйықтарымен («ТКТ» ЖШС және «Сейком» ЖШС) биыл шілде айынан бастап меморандумға қол қойған.
— Жалпы көлемін 11,6 мың тонна көмірге 2324 өтінім келіп түсті. Қазіргі уақытта 2219 өтінім орындалып, 11,2 мың тонна қатты отын жеткізілді. Биыл әлеуметтік баға бойынша 18,9 мың тонна көмірге өтінім түскен. Қаладағы көмір тұйықтары мен жеткізушілердің жұмысы тұрақты бақылауда, — дейді қала әкімдігі.
Қабылданған шаралардың нәтижесінде көмірмен тек әлеуметтік осал санаттағы отбасылар ғана емес, қала тұрғындарының барлығы дерлік үздіксіз қамтамасыз етіліп отыр.
Бұл жұмыстар жылыту маусымы аяқталғанға дейін жалғасады.
