Республикасы күні қарсаңында өскемендік оқушылар «Отбасы үлгісіндегі балалар ауылына» барып, Әнұран шырқады, деп хабарлайды F16.kz.
Мерекелік шара «Қыран елім – Қазақстаным» тақырыбында өтті. Іс-шара Қазақстан Республикасының Мемлекеттік Әнұранымен ашылып, ұйысдастырушылар мерекенің ұлттық бірлік пен егемендіктің символы ретіндегі маңыздылығын атап өтті.
Іс-шараның мақсаты – өскелең ұрпақтың бойында патриоттық сезімді, азаматтық жауапкершілікті, мемлекеттік рәміздерге, ел тарихы мен мәдениетіне деген құрметті қалыптастыру болып табылады, – Шығыс Қазақстан өнер музейінің экскурсиялық-бұқаралық және музейлік-педагогикалық сектор меңгерушісі Мөлдір Мұхамбетқызы.
Балалар арасында «Менің елім – Қазақстан» атты интерактивті викториналық ойын ұйымдастырылып, жеңімпаздарға сыйлықтар табыс етті. Сондай-ақ қатысушылар «Балбұрауын» күйін орындап, «Қара торғай» әнін шырқады. Соңында білектің күшін де сынға салып, топқа бөлініп арқан тартысты.
«№49 жалпы білім беретін мектептің» оқушылары қатысушыларға «Рух биі» және «Батыр қыздар» биін орындап, өз өнерлерімен көпшілікті тәнті етті.
