Меновное ауылындағы жаңа көпірдің құрылысы келер жылы басталады. Қазір құжаттары дайындалып жатыр. Бұл туралы Өскемен қаласының әкімі Алмат Ақышов мәлім етті, деп хабарлайды F16.kz.
Алдын ала жүргізілген есеп бойынша жоба құны — 115 млрд теңге.
Бұл нақты бекітілген сома емес. Қазір дайындық жүргізіліп жатыр. Құжаттар да жыл аяғына дейін дайын болады деген ойдамыз. Ал, құрылыс жоспар бойынша келесі жылы басталауы керек, — деді қала әкімі.
Көпірдің құрылысын кім жүргізетіні әзірге белгісіз. Құжаттама аяқталғаннан кейін заңды түрде байқау арқылы анықталмақ.
Айта кету керек, үлкен көлемдегі, ауқымды жобаларды іске асыра алатын жергілікті компания да бар. Бұқтырма су қоймасы арқылы өтетін еліміздегі ең үлкен көпірді салған құрылыс компаниясы да, мамандар да жеткілікті тәжірибе жинады, — дейді шаһар басшысы.
