Қазақстанда спорт, шығармашылық және қосымша білім беруге арналған «Бірыңғай ваучер» қанатқақты жобасы жұмыс істейді, деп хабарлайды F16.kz.
Балалардың секцияларға бару мүмкіндіктерін арттыруға бағытталған жоба биылғы 1 маусымнан бастап іске қосылды. Бұл туралы Үкімет отырысында туризм және спорт министрі Ербол Мырзабосынов мәлім етті.
Министр бұл механизм спорт, шығармашылық және қосымша білім беру салаларын біріктіреді, сондай-ақ мемлекеттік және жеке ұйымдарды бірыңғай цифрлық жүйеге қосады деп атап өтті.
Бүгінде елімізде 8,4 млн адам жүйелі түрде спортпен шұғылданады. Бұл – халықтың 41,4 %-ы. Мақсат – осы көрсеткішті 2029 жылға қарай 50%-ға жеткізу. Биыл мемлекеттік спорттық тапсырыспен 240 мың бала 7 мыңнан астам тегін секцияға қатысады. Ол үшін жергілікті бюджеттен 50 млрд теңге бөлінді.
Өңірлер бойынша ең жоғары қамту Атырау, Қостанай облыстарында және Шымкент қаласында, — деді Ербол Мырзабосынов.
