Осы апта облыс орталығында Күршім ауданының мәдени күндері өтеді, деп хабарлайды F16.kz.
Соңғы жылдары «Туған жер – алтын бесігім» жобасы аясында әр аудан өнерпаздары концерт қойып, сенбілік жәрмеңке өткізу дәстүрге айналған. Сондықтан да шаһар халқы апта соңын асыға күтеді. Бұл жолы кезек Күршім ауданына келіп жетті.
14 қараша күні сағат 17:00-де Шығыс Қазақстан облыстық филармониясында аудан қолөнершілерінің, ауылшаруашылық өнімдері көрмелері ұйымдастырылады. Сағат 18:00-де аудан өнерпаздарының қатысуымен концерт өтеді.
15 қараша күні сағат 08:00-ден бастап, әдеттегідей, «Алтай» көтерме-бөлшек сауда орталығы алаңында Күршім ауданының ауылшаруашылық өнімдерінің жәрмеңкесі өткізіледі.
