Үш ауылдық округтің әкімін сайлайтын саяси науқан 30 қарашада өтеді, деп хабарлайды F16.kz.
Глубокое ауданы Тархан ауылдық округінің әкіміне кандидат ретінде Глубокое аудандық құрылыс, сәулет және қала құрылысы бөлімінің бас маманы Еркежан Дегембаева, Глубокое ауданы Кожохова ауылдық округі әкімі аппаратының бас маманы Толқын Қасенова, Глубокое ауданы «Жастар ресурстық орталығы» КММ директоры Лаура Нұрқасынова тіркелген.
Марқакөл ауданы Боран ауылдық округі әкіміне кандидат ретінде де үш адам тіркелді. Олар: ІІМ зейнеткері Мұрат Әділбаев, Марқакөл аудандық ішкі саясат, мәдениет, тілдерді дамыту және спорт бөлімінің басшысы Нұржан Сәкенов, Марқакөл аудандық ауыл шаруашылығы, жер қатынастары және кәсіпкерлік бөлімі басшысының орынбасары Ардақ Тлеубаева.
Сонымен қатар 30 қарашада Ұлан ауданы Азов ауылдық округінің әкімін сайлау өтеді. Тіркелген кандидаттар: Әмина Бояубаева, Таврия ауылдық округі әкімінің аппаратының бас маманы; Нұржан Қабдулин, Ұлан ауданының сәулет, қала құрылысы және құрылыс бөлімінің бас маманы; Даян Нұржанов, Таврия ауылдық округі әкімінің орынбасары.
