Өскеменде эпидемиологиялық маусымның күрделене түсуіне байланысты 132 сынып қашықтан оқытуға көшірілді, деп хабарлайды F16.kz.
Қалалық білім беру бөлімінің ресми мәліметіне сүйенсек, 18 қараша күні 18 қалалық мектептің 132 сыныбында уақытша карантиндік шектеулер күшіне енді. Қазір Өскемен қаласы бойынша 2672 оқушы онлайн оқып жатыр. Оның ішінде 1638 бала бастауыш сынып оқушысы.
ҚР Бас мемлекеттік санитариялық дәрігерінің 2025 жылғы 22 тамыздағы №6 қаулысына сәйкес, эпидемиялық маусымда білім беру ұйымдарында ЖРВИ, тұмау және COVID-19 таралуын шектеуге бағытталған санитариялық-профилактикалық шаралар күшейтіледі. Егер сыныптағы аурушаңдық деңгейі 30 пайыздан асса уақытша қашықтан оқыту форматына ауыстырылады.
