Өскемен қаласының әкімі Алмат Ақышов қаладағы жолаушылар тасымалын жүзеге асыратын ұйымдармен кездесу өткізді, деп хабарлайды F16.kz.
Естеріңізге сала кетейік, жақында Аблакетка ауданының тұрғындары қоғамдық көлік мәселесін кезекті рет көтеріп, әкімнен көмек сұраған. Халық автобустың дұрыс жүрмейтінін, аз екенін және тозығы жеткенін айтып шағымданды.
Кездесу барысында тараптар қоғамдық көлік бағыттарында туындап отырған өзекті мәселелер, анықталған олқылықтар және қызмет сапасын арттыруға қатысты ұсыныстарды жан-жақты талқыланды.
Барлық тараптың қатысуымен арнайы жұмыс тобы құрылады. Бұл топтың құрамына мемлекеттік органдардың өкілдері, тиісті коммуналдық мекемелер және жолаушы тасымалдаушы компаниялардың өкілдері кіреді. Жұмыс тобы қаланың қоғамдық көлік жүйесіндегі барлық мәселелерді кешенді түрде зерделеп, оларды шешудің нақты жолдарын әзірлейді, – деді қала әкімі.
Айта кетейік, күні кеше Орталық коммуникациялар қызметі алаңында өткен баспасөз брифингінде облыс әкімі Нұрымбет Сақтағанов та осы мәселені көтерген.
Соңғы 4-5 жылда Аблакеткадағы қоғамдық көлік мәселесі тіпті ушыққан. Сондықтан, жаңа тасымалдаушы тарту туралы шешім қабылданды. Ол желіге жаңа автобустар шығарады, — деді аймақ басшысы.
Алдағы уақытта жаңадан құрылған жұмыс жоба мәселені зерделеуге кірісіп, шешу жолын қарастыратын болады.
