Маусымдық жұқпалы аурулардың көбеюіне байланысты өңірдегі 107 жалпы білім беретін мектептің 1504 сыныбында карантиндік шектеулер енгізілді. Бұл туралы обылстық білім басқармасы мәлім етті, деп хабарлайды F16.kz.
Бүгінде облыс бойынша 27 610 оқушы уақытша қашықтан оқып жатыр.
Өскемен қаласының 46 мектебінде, Күршім ауданының 3 мектебінде, Ұлан ауданының 9 мектебінде, Үлкен Нарын ауданындағы 1 мектепте, Алтай ауданының 8 мектебінде, Зайсан ауданындағы 1 мектепте, Катонқарағай ауданындағы 1 мектепте, Самар ауданындағы 5 мектепте, Тарбағатай ауданының 9 мектебінде және 4 облыстық мектептің 1504 сыныбында оқушылар қашықтан оқыту форматына көшірілді, — дейді ШҚО білім басқармасының баспасөз қызметі.
Айта кетейік, қашықтан оқыту форматына көшу туралы шешім оқушылардың 30%-дан астамы денсаулығына байланысты себеппен, медициналық анықтамамен расталған жағдайда сабаққа қатыспаған сыныптарда қабылданады.
