2025 жылғы 28 қарашада сағат 11.00-де «Қыс-2025» командалық-штабтық оқу-жаттығуы аясында мобильді құрылғылар арқылы «Mass Alert» жедел ескерту жүйесінің техникалық сынағы жүргізіледі, деп хабарлайды F16.kz.
Сондай-ақ бұл күні дабыл-хабарлау құрылғылары қосылып, теле-радио арналардан хабар тарату тестілік тәртіпте жүзеге асырылады. Соған байланысты мамандар тұрғындардан сабыр сақтауды сұрайды.
Айта кетейік, дабыл – төтенше жағдай кезінде немесе қауіп төнген кезде адамдардың назарын аудару үшін берілетін алдын ала ескерту жүйесі.
Сирена дауысын естіген жағдайда дереу теледидарды немесе радионы қосып, сондай-ақ ШҚО ТЖД-ның әлеуметтік желілердегі ресми парақшасынан ақпаратты, «Дармен» қосымшасындағы хабарламаларды және «112» қызметі жіберетін SMS ескертулерді бақылап отыру қажет.
