2026 жылдан бастап арнаулы салық режимімен жұмыс істейтін өзін-өзі жұмыспен қамтушылардың тізімі белгілі болды, деп хабарлайды F16.kz.
Өзін-өзі жұмыспен қамтығандарға арналған арнаулы салық режимін қолдануға рұқсат етілген қызмет түрлерінің тізбесі бекітілді. Қаулы 2026 жылғы 1 қаңтардан бастап қолданысқа енгізіледі және ресми жариялануға тиіс.
Тізімге 40 қызмет түрі енген:
1. Мал шаруашылығына тән қызмет;
2. Музыкалық аспаптар өндірісі;
3. Сылақ жұмыстары;
4. Ағаш шебері және ағаш ұстасы жұмыстары;
5. Еден жабыны және қабырғаларды қаптау;
6. Сырлау және шыны салу жұмыстары;
7. Желілік маркетинг арқылы бөлшек сауда;
8. Такси қызметі;
9. Өзге де пошталық және курьерлік қызметі (өзге пошта қызметін қоспағанда);
10. Тапсырыспен дайын тамақ жеткізу;
11. Жекеменшік немесе жалға алынған тұрғын үйді жалға беру (қосалқы жалға беру) және басқару;
12. Фотосурет саласындағы қызмет;
13. Ауызша және жазбаша аударма қызметі;
14. Ветеринариялық қызмет;
15. Жеке тұтынатын өзге де заттарды және тұрмыстық тауарларды жалдау және олардың лизингі;
16. Тұрғын үйлерді жалпы жинау;
17. Басқа топтарға қосылмаған, қосымша коммерциялық қызмет көрсету бойынша өзге де қызметтер (интернет-платформа арқылы көрсетілетін қызметтер бойынша ғана);
18. Спорт және демалыс саласында білім беру;
19. Мәдениет саласындағы білім беру;
20. Басқа топтамаларға енгізілмеген білім беру саласындағы өзге қызмет;
21. Көркем және әдеби шығармашылық;
22. Компьютерлер мен шеткері жабдықтарды жөндеу;
23. Коммуникациялық жабдықтарды жөндеу;
24. Электронды тұрмыстық техниканы жөндеу;
25. Тұрмыстық аспаптарды, үй және бау-бақша жабдықтарын жөндеу;
26. Аяқ киім жөндеу;
27. Табиғи және жасанды былғарыдан жасалған жол және галантерея бұйымдарын жөндеу;
28. Жиһаздарды және интерьер заттарын жөндеу;
29. Қолсағаттар мен өзге де сағаттарды жөндеу;
30. Зергерлік бұйымдарды жөндеу;
31. Трикотаж және тоқыма бұйымдарды жөндеу;
32. Тігін бұйымдарын, бас киімдерді және тоқыма галантерея бұйымдарын жөндеу;
33. Тері және былғары бұйымдары мен бас киімдерді жөндеу;
34. Музыкалық аспаптарды жөндеу;
35. Кілемдер мен кілем бұйымдарын жөндеу;
36. Велосипед жөндеу;
37. Басқа топтамаларға енгізілмеген жеке пайдаланатын өзге де заттар мен тұрмыстық тауарларды жөндеу;
38. Шаштараздардың, сұлулық салондарының қызмет көрсетуі;
39. Үй қызметшісін жалдайтын үй шаруашылықтарының қызметі;
40. Өзіндік тұтынуы үшін тауарлар өндіру бойынша үй шаруашылықтарының қызметі.
