Оқиға 17 қараша күні Шемонаиха қаласында болған. Тәртіп сақшылары күдіктіні дереу қолға түсірді, деп хабарлайды F16.kz.
Ер адам 96 жастағы жалғыз тұратын қарт әжейдің үйіне жасырын кіріп, ақша талап еткен.
«102» арнасы арқылы Шемонаиха ауданы полиция бөлімінің кезекші бөліміне пәтерлердің бірінде айғай-шу болып жатқаны жөнінде хабар түскен. Тексеру барысында ер адамның терезе арқылы кіріп, күш көрсету арқылы ақша талап еткені анықталды. Одан бөлек үй ішінен құнды заттарды іздей бастаған сәтте көршілердің дауысын естіп, оқиға орнынан қашып кеткен, — дейді ШҚО ПД баспасөз қызметі.
Полицейлер жүргізген жедел шаралардың нәтижесінде Шемонаиха ауданының бұрын сотталған тұрғыны ұсталды. Қазіргі уақытта тергеу амалдары жалғасуда, оның қорытындысы бойынша процессуалдық шешім қабылданады.
