Облыс орталығындағы Меновное ауылында жаңа көпір салу жоспарланып отыр. Жаңа жоба өзеннің екі жағын байланыстырып, қаладағы көлік қозғалысын едәуір жеңіллетеді, деп хабарлайды F16.kz.
Облыстық жолаушылар көлігі және автомобиль жолдары басқармасының мәліметіне сүйенсек, биыл далалық зерттеулер аяқталып, көпір нұсқаларын әзірлеу басталған.
Айта кетейік, бұл қаладағы ең ұзын және кең көпірлердің бірі болмақ. Ұзындығы — 834 метр, екі жағынан қоса есептегенде — 1181 метр. Жолда алты жолақ болады, әрқайсы — 3,5 метр. Көшенің жалпы ұзындығы — 2,35 шақырым. Көпір Ярославский көшесі мен Алматы тасжолының қиылысынан басталып, Серікбаев және Карбышев көшелерінің қиылысында аяқталады.
Жобалық-сметалық жұмыстар биыл наурызда басталды. Жобалаушы — «Kazakh Promtransproekt» ЖШС. Даладағы зерттеулер мамырда аяқталды. Қазір бастапқы деректер жиналып, тұжырымдамалық жобалау нұсқалары әзірленуде. Жобалаық-сметалық жұмыстар 2026 жылы аяқталады деп жоспарлануда. Содан соң облыс құрылысқа бюджеттік өтінім береді, – деді ШҚО Жолаушылар көлігі және автомобиль жолдары басқармасы басшысының орынбасары Нұрбек Тұраров.
Жоба құны шамамен 115 млрд теңге көлемінде болуы мүмкін.
Көпір құрылысын жүзеге асыру үшін қытайлық 2Loungian Road and Bridge Co. Ltd. компаниясымен меморандумға қол қойылды. Егер дайындық уақтылы аяқталса, құрылыс келер жылдың басында қолға алынады.
