Катонқарағай мемлекеттік табиғи ұлттық паркінің Сарымсақты жотасында тау текелер фототұзаққа түсіп қалды, деп хабарлайды F16.kz.
Фототұзақты ұлттық парк қызметкері В.Воробьёв орнатқан. Инспектордың айтуынша, фототұзақ биік таудың басында тұр.
Температураның төмендігіне және қардың қалыңдығына қарамастан құрылғының аккумуляторлары екі ай бойы тоқтаусыз жұмыс істеді. Бұл бізге қызықты деректер алуға мүмкіндік берді, ол суреттерді міндетті түрде көрсетеміз, — деп хабарлады ұлттық парк өкілдері.
Мұндай бақылаулар сирек кездесетін жануарлардың мінез-құлқын зерттеуге және олардың қыс мезгіліндегі тіршілігін бақылауға көмектеседі.
