Шығыс Қазақстан облысының ішкі істер департаменті базасында Жоғары политехникалық колледж студенттеріне полиция қызметкерлерінің ерлік жолы мен батылдық үлгілерін таныстыруға бағытталған «Ерлік сабағы» өтті, деп хабарлайды F16.kz.
Іс-шара «Заң және тәртіп» идеологемасы аясында ұйымдастырылды. Спикер ретінде ШҚО ПД музейінің меңгерушісі Бақытгүл Қалиева сөз сөйледі. Кездесу барысында ол облыс полициясының даму тарихымен, құқық қорғау жүйесінің қалыптасу кезеңдерімен таныстырып, қоғамдық қауіпсіздікті қамтамасыз етуге елеулі үлес қосқан тұлғалар туралы баяндады.
Студенттер музей экспозицияларын аралап, архив материалдарымен, тарихи құжаттармен, құнды деректермен, әр жылдардағы қызметкерлердің формасы және жабдықтарымен танысты.
Экскурсия студенттердің құқықтық мәдениетін арттыруға, ішкі істер органдарының қоғамдағы рөлін тереңірек түсінуге ықпал етті. Іс-шара жастардың азаматтық жауапкершілігін, заңға деген құрметін қалыптастыру бағытындағы тәрбиелік жұмыстың маңызды бөлігі болды.
