Күні кеше Астана қаласында WorldSkills Kazakhstan – 2025 X Республикалық чемпионаты өз мәресіне жетті. Үш күнге созылған тартысты сайыстардың нәтижесінде Шығыстан аттанған команда 2 алтын, 6 күміс, 2 қола медаль мен 10 “Үздік маман” медальонын еншілеп, республика бойынша үздік ондықтың қатарынан көрінді, деп хабарлайды F16.kz.
Мобильді робототехника (командалық) бойынша Өскемен жоғары политехникалық колледжің студенттері Иванин Константин мен Дмитриев Артём оқ бойы озық шығып, алтын медальді қоржынға салды.
Күмістен алқа тағынғандар қатарында мехатроника (командалық) құзіреттілігі бойынша бақ сынаған Өскемен жоғары политехникалық колледжінің студенттері Ярослав Скрипников пен Энгель Александр;
Өнеркәсіптік автоматика бойынша Өскемен жоғары политехникалық колледжінің студенті Кирилл Луковкенко;
Ақпараттық қауіпсіздік (командалық) құзіреттілігінен Өскемен экономика және техника колледжінің студенттері Даниил Благодетелев мен Ярослав Литвинов;
Наубайхана ісі бойынша Өскемен көпсалалы технология колледжінің студенттері Рахым Айдар бар.
CAD-инженерлік графика саласында Өскемен жоғары политехникалық колледжінің студенті Рамиз Сапаров пен шаштараз ісі құзіреттілігінен Өскемен сервис және технология колледжінің студенті Вероника Вилижина үздік үштікті қорытындылады.
“Үздік маман” медальондары:
Сантехника және жылыту — Өскемен құрылыс-техникалық колледжі Александр Александровқа;
Дәнекерлеу технологиясы — Өскемен құрылыс-техникалық колледжінің студенті Николай Конкинға;
Құрғақ құрылыс қоспалары және сылақ жұмыстары — Д. Серікбаев атындағы ШҚТУ Жоғары IT колледжінің студенті Қуат Қабылқайыровқа;
3D компьютерлік ойындарын модельдеу — Д. Серікбаев атындағы ШҚТУ Жоғары IT колледжінің студенті Али Секишевке;
Электромонтаж жұмыстары — Өскемен жоғары политехникалық колледжінің студенті Андрей Белялевке;
Мобильді қосымшаларды әзірлеу — Өскемен жоғары политехникалық колледжінің студенті Нұрбол Ерболұлына;
1С платформасында бизнес-процестерді автоматтандыру — Өскемен жоғары политехникалық колледжінің студенті Александр Ширяевке;
Аспаздық ісі — Өскемен көпсалалы технология колледжінің студенті Сергей Бакшинскас;
Ветеринария — Шығыс Қазақстан көпсалалы колледжінің студенті Елизавета Лазаренкоға;
Жеңіл автомобильдерді жөндеу және техникалық қызмет көрсету — Шығыс техникалық-гуманитарлық колледжінің студенті Эльнар Дамолдановқа бұйырды.
