«КАЖсервис» ЖШС облыс филиалының мәлімдеуінше, 15 желтоқсан сағат 16.00-ден бастап Шығыс Қазақстан облысы аумағында бірқатар бағыттағы жолдар ашылды, деп хабарлайды F16.kz.
Атап айтқанда:
Өскемен-Семей тас жолының 10-103 шақырымы (Герасимовка ауылынан Абай облысының шекарасына дейін);
Өскемен-Алтай-Үлкен Нарын-Катонқарағай-Рахман қайнары тас жолының 6-166 шақырымы (Ушанов ауылынан Алтай қаласына дейін);
Өскемен-Риддер-РФ шекарасы тас жолының 15-105 шақырымы (Белоусовка кентінен Риддер қаласына дейін) жолдар ашылды.
Ал Алматы-Талдықорған-Өскемен-Шемонаиха-РФ шекарасы бағытындағы республикалық тас жолдың 1104-1191 шақырымында (Глубокое кентінен Шемонаиха қаласына дейін) әлі де көлік қозғалысы шектелген.
Айта кетейік, ауа райының күрт бұзылуына байланысты бүгін сағат 14.00-ден бастап бірқатар бағыттағы жолдар жабылған.
