Шығыс Қазақстан облысының Полянское ауылында 1 075 бас сауын сиырға арналған тауарлы-сүт фермасы іске қосылды, деп хабарлайды F16.kz.
«Мойылды-Байқоңыр» серіктестігіне қарасты жоба АӨК инвестициялық жобаларды қаржыландыру бағдарламасы аясында жүзеге асырылды. Қаржыландырудың жалпы көлемі 4,7 млрд теңгені құрады.
Қаржы өндірістік нысандарды салуға, заманауи технологиялық жабдықтар мен ауыл шаруашылығы техникаларын сатып алуға және асыл тұқымды ірі қара малын алуға бағытталды. Құрылыс-монтаж жұмыстары толық аяқталып, нысан пайдалануға берілді. Тауарлы фермасын іске қосу кезең-кезеңімен жүргізіліп жатыр, — делінген Ауыл шаруашылығы министрлігінің хабарламасында.
Жақын күндері фермаға асыл тұқымды малдың кезекті партиясы жеткізілмек. Ал алғашқы өнімді жыл соңына дейін алу жоспарланып отыр. Шаруашылықтың иелігінде 2 323 га егістік жер бар.
