Шығыс Қазақстан облысында 2017 жылы туған балаға шұғыл медициналық көмек көрсету үшін Төтенше жағдайлар министрлігінің санитарлық авиациясы жұмылдырылды, деп хабарлайды F16.kz.
Науқас бала Риддерден Өскемен қаласына құтқарушылардың тікұшағымен жеткізілді. ҚР ТЖМ «Қазавиақұтқару» акционерлік қоғамына тиесілі «Ми-8» әуе көлігін тәжірибелі ұшқыштар Сергей Пинигин мен Леонид Калеканов басқарды. Ұшу кезінде науқастың жағдайын санитарлық авиация дәрігерлері Рафаиль Халитов пен Лариса Величко бақылап, қажетті медициналық көмек көрсетті.
Ұшқыштар мен медицина қызметкерлерінің кәсібилігі және үйлесімді әрекетінің арқасында бала облыс орталығындағы медицина мекемесіне аман-есен жеткізілді. Қазір ол дәрігерлердің бақылауында.
