ШҚО-да полиция қызметкерлері мен ТЖД құтқарушылары заңсыз пиротехника сату орындарына рейд жүргізіп жатыр, деп хабарлайды F16.kz.
Профилактикалық іс-шаралар барысында кәсіп иелерінің отшашулар сатуға арналған лицензиясы тексеріледі.
Қазіргі күнге дейін рейд нәтижесінде контрафактілік өнімнің 60 бірлігі тәркіленіп, ҚР«Әкімшілік құқық бұзушылық туралы» кодексінің 196-бабы бойынша 8 хаттама толтырылды.
Пиротехникалық бұйымдарды сату өнімнің сақталуын қамтамасыз ететін, оған тікелей күн сәулесінің және атмосфералық жауын-шашынның түсуін болдырмайтын дүкендерде, павильондар мен киоскілерде саудаланады. Ғимараттардың орналасуы төтенше жағдай кезінде адамдарды эвакуациялауға кедергі келтірмеуі және алғашқы өрт сөндіру құралдарымен қамтамасыз етілуге тиіс, – деп атап өтті ШҚО ТЖД Мемлекеттік өрт бақылау басқармасының бастығы Нұржан Өміржанов.
Контейнерлерден тыс, лицензиясы мен рұқсаты жоқ тұлғалардың ашық сөрелерден, автокөліктерден, шатырлардан, қолдан және өткелдерде пиротехникалық бұйымдарды сатуына қатаң тыйым салынады.
