Биылғы Жаңа жыл мерекесі әдеттегідей Өскеменнің бірнеше ауданында өткізіледі. Бағдарламада музыкалық-театрландырылған қойылым, ән—би, қызықты ойындар жоспарланған, деп хабарлайды F16.kz.
Қала әкімдігінің мәліметінше, жаңажылдық кеш 2025 жылғы 31 желтоқсан сағат 21.00-де басталып 2026 жылғы 1 қаңтар сағат 01.30-ға дейін жалғасады.
Бір мезетте облыс орталығының бірнеше ауданында атап өтілетін мерекелік шараларды көпшілік қауым Республика алаңы, Өскемен аллеясы, Үлбі жағалауы, Комендантка, Защита ауданы, Ахмер ауылында тамашалай алады. Облыстың бас шыршасы Республика алаңында құрылған, басты ойын-сауық бағдарламасы да осы жерде ұйымдастырылады. Атап айтқанда балаларға арналған қойылымдар мен анимациялар, концерт, музыкалық шоу, фотосессия, сount-down кеші, интеллектуалды ойындар, көпшілікке арналған сайыстар және басқа да ойын-сауық шаралар болады.
