Жыл соңына дейін Шығыстың бас қаласында тағы бір көлік жолы ашылады. Ертіс көпірінің астынан өтетін жаңа жол іске қосылса айналмадағы кептеліс 20 пайызға азаяды, деп хабарлайды F16.kz.
Бүгінде жол құрылысы толық аяқталған. Енді тек бағдаршамды іске қосып, соңғы штрихтарды реттеу қалды.
Көпір асты жолы төрт жолақты болады, өзен жақ қапталында жаяу адамдарға арналған тротуар мен жолдан бөлетін шағын аймақ қарастырылған. Сонымен қатар жолдың бойына жарықтандыру жүйесі орнатылған.
Техникалық тұрғыдан жол қазірдің өзінде ашық. Жуырда бағдаршамдар іске қосылады, — деді Өскемен әкімдігінің өкілдері.
Мамандардың алдын ала есебі бойынша, көпір асты жолы іске қосылғанда айналмалы жолдағы көлік ағынын 20 пайызға жеңілдетуге мүмкіндік туады.
