Өскеменде ауыл шаруашылығы өнімдерінің жәрмеңкесі жалғасады. Бұл жолғы жәрмеңке Жаңа жыл мерекесіне орай екі күн болады, деп хабарлайды F16.kz.
27-28 желтоқсан күндері облыс орталығының тұрғындарына бір уақытта қаланың төрт ауданында сауда алаңы ұйымдастырылады. Атап айтсақ:
* «Алтай» көтерме-тарату орталығы (Жібек жолы көшесі 44)
* «ДосНар» сауда үйі (Виноградов көшесі 17а)
* «Керуен» сауда үйі (Өтепов көшесі 3, ЖМК ауданы)
* «Валентина» сауда үйі (Б.Шаяхметов көшесі 13, Согра ауданы)
Уақыты: сағат 08.00-ден 15.00-ге дейін болады.
Ауыл шаруашылығы жәрмеңкелерінде жергілікті тауар өндірушілердің табиғи өнімдерін арзан бағаға ешқандай делдалсыз сатып алуға мүмкіндік туады. Оның ішінде ет, сүт өнімдері, көкөніс, жеміс-жидек, бақша өнімдері, балық, бал және басқа да тауарлар саудаға шығарылады.
