Қазақстанда «Ақша балаға беріледі» қағидаты негізінде мектепке дейінгі ұйымдарда орын бөлудің жаңа механизмі енгізілді. Бұл туралы Үкіметтің қорытынды баспасөз конференциясында оқу-ағарту бірінші вице-министрі Майра Мелдебекова мәлім етті, деп хабарлайды F16.kz.
Мемлекет басшысының тапсырмасына сәйкес пилоттық жоба 20 қала, 16 ауданда жүзеге асырылып жатыр.
Биыл «Ақша балаға беріледі» қағидаты негізінде ваучерлік қаржыландыру механизмін өңірлерде кеңінен тарату арқылы балабақшаларға кезек саны екі есеге дейін азайды. Пилоттық жобаға 5,6 мың мектепке дейінгі ұйым қатысып, 788 мың балаға ваучер берілді. Ваучерлік қаржыландыру 21,8 миллиард теңге бюджет қаражатын үнемдеп, ол балаларға жаңа ваучерлер беруге қайта жұмсалды, — деді оқу-ағарту бірінші вице-министрі Майра Мелдебекова.
