Облыс тұрғындары электр энергиясы үшін жаңа төлем мөлшерлерін «БЭСК» АҚ сайтынан көре алады. Елдегі барлық тауар мен қызметтер құнына ҚҚС мөлшерінің көтерілуі себеп болып отыр, деп хабарлайды F16.kz.
Айта кетейік, 2026 жылдың 1 қаңтарынан бастап ҚР Салық кодексінің нормалары бойынша ҚҚС мөлшері 12%-дан 16%-ға көтерілді.
Кәсіпорын мамандарының айтуынша, 2025 жылдың 1 қазанынан бері қолданыстағы тариф бағасы өзгермейді.
Тариф өз деңгейінде қалды. Барлық өзгерістер біздің сайттағы кестеде көрсетілген. Олар тек «1 кВт/сағатқа тариф (ҚҚС ескеріліп)» бағанында көрсетілген. ҚҚС өзгерістерін ескере отырып, жаңа жылдан бастап дифференцияланған тарифтер өзгереді, — делінген ақпаратта.
Жаңа жылдан бастап газ плитасы бар тұрмыстық тұтынушылар үшін сараланған тарифтер төмендегідей белгіленді:
- Бірінші деңгей (85 кВт/сағ дейін) – 17,448 теңге;
- Екінші деңгей (85–165 кВт/сағ) – 24,286 теңге;
- Үшінші деңгей (165 кВт/сағ-тан жоғары) – 30,357 теңге.
Жалғыз тұратын зейнеткерлерге, Ұлы Отан соғысының ардагерлері мен мүгедектеріне және оларға теңестірілген тұлғаларға арналған тарифтер газ және электр плитасы бар әдеттегі тұтынушылармен бірдей. Тек бірінші деңгей бойынша 120 кВт/сағатқа дейін электр энергиясын тұтынуға рұқсат етіледі.
