Биыл Өскеменнің шеткері орналасқан бірнеше ауданында абаттандыру жұмысы жүргізіледі. Бұл туралы қала әкімі Алмат Ақышов аппараттық кеңесте айтты, деп хабарлайды F16.kz.
Жиында 2026 жылы облыс орталығында іске асырылатын абаттандыру жобалары қаралды. Жоспар бойынша Амфитеатр, Назарбаев даңғылындағы аллея, Студенттер аллеясы, Сәулетай саябағы, Жеңіс мемориалынан Лихарев көшесіне дейінгі аумақ, Күленов кентіндегі серуен аймағы, Защита шағын ауданындағы темір жол вокзалының маңы, О.Бөкей көшесінен Қазыбек би даңғылына дейінгі аралық абаттандырылмақ.
Бұл жобалардың барлығы іске асырылса, әрине жақсы, бірақ бюджет қаражаты шектеулі. Сондықтан бұлардың бір бөлігін биыл атқарамыз, кейбір жобалар кейінге қалады, – деді шаһар басшысы.
Айта кетейік, бұл жобаларды бекіткен кезде міндетті түрде тұрғындардың ұсыныс-пікірі ескеріледі.
